Рөстәм Миңнеханов: Татарстан бурычы - фәнни-мәгариф комплексын яңа дәрәҗәгә чыгару
Татарстан алдында мөһим бурыч тора - фәнни-мәгариф комплексын принципиаль яңа дәрәҗәгә чыгару. Бу хакта Татарстан Республикасы Президенты Рөстәм Миңнеханов Мәгариф һәм фән советының чираттагы утырышында әйтте, анда Премьер Алексей Песошин, республика министрлыклары һәм ведомстволары җитәкчеләре, Татарстан Республикасы Фәннәр академиясе вәкилләре, вуз ректорлары катнашты.
"Россия Президенты Владимир Владимирович Путин стратегик максат куйды - чын технологик суверенитетка ирешүне тәэмин итү", - диде Миңнеханов, бу мәсьәләдә мөһим урын ил төбәкләре өчен бирелергә тиеш, дип билгеләп.
Ул ассызыклаганча, республика гомуми эшкә саллы өлеш кертү өчен кирәкле бөтен нәрсәсе бар: куәтле фәнни-технологик потенциал, мәктәптән башлап өзлексез белем алу чылбырында тикшеренү һәм инженерлык компетенцияләрен формалаштыруның тулы канлы системасы.