Державин авылында яшәүче Серафим Солодовников җиңел атлетика буенча Россия беренчелеге алтынын яулады
Державин авылында яшәүче Серафим Солодовников җиңел атлетика буенча Россия беренчелеге алтынын яулады. "Атлетика" олимпия резервы спорт мәктәбе тәрбияләнүчесе 46,88 секунд эчендә 400 метр дистанцияне йөгереп узды.
Серафимның яшь категориясендә бу сезонда Европада әле беркем дә мондый результат белән йөгермәгән. "Ул - бу беренчелекнең чын йолдызы! Серафимның да потенциалы бик зур! Бары тик башланып киткән 2023 елда гына безнең спортчы берничә стартта уңышлы чыгыш ясады! Серафимны, аның тренеры Алексей Барышниковны һәм Казанның барлык җиңел атлетика җәмәгатьчелеген котлыйм. Шулай тотарга! Алга таба гына!», - дип котлады спортчыны “Үзәк” физкультура-спорт җәмгыяте генераль директоры Илгиз Фәхриев.
Җиңүегез белән котлыйбыз һәм чын күңелдән, яңа пьедесталларны буйсындырып, алга таба гына омтылырга телибез!