Татарстанда суда һәлак булучылар саны артты

2023 елның 30 мае, сишәмбе

Татарстанда суда һәлак булучылар саны артты. 2023 ел башыннан 12 кеше үлгән, шул исәптән 2 бала. Ел саен суда кешеләр үлеменең төп сәбәбе - суда куркынычсызлык кагыйдәләрен үтәмәү.

Татарстанда су коену сезоны рәсми рәвештә 1 июньдә ачыла. Җәй алдыннан сезгә судагы куркынычсыз тәртип кагыйдәләре турында искә төшерәбез:

махсус җиһазландырылган урыннарда гына су коенырга;

таныш булмаган урыннарда чуммаска;

буйкалар артына йөзмәскә;

суднолар йөрешенә  һәм судларга якынаймаска;

суда уеннар оештырмаска;

күпертелгән матрасларда яки камераларда йөзмәскә;

төзек булмаган йөзү чараларын кулланмаска;

исерек килеш коенмаска.