«Фермер мәктәбе» проектының сигезенче дулкыны башланды
Татарстан Республикасы Авыл хуҗалыгы һәм азык-төлек министрлыгы, «Россельхозбанк» АҖ һәм Казан дәүләт аграр университеты «Фермер мәктәбе» проектының сигезенче дулкынын башлап җибәрә. Татарстан Республикасы өч тапкыр проектта катнашты, 104 тыңлаучы уңышлы гына белем алды, дәүләт үрнәгендәге дипломнар алды һәм үз проектларын гамәлгә ашыра башлады.
Укуны башлап җибәрү агымдагы елның 22 сентябрендә 40 потенциаль тыңлаучы өчен планлаштырыла. Проект Банк тарафыннан тулысынча финанслана. 2 ай дәвамлылыгы белән (теориянең 150 сәгате һәм 100 сәгать практикада) укытуны «Авыл агротуризм», «Үсемлекчелек һәм терлекчелек продукциясен эшкәртү технологиясе» белгечлекләре буенча үткәрү планлаштырыла. Тематикага бәйле рәвештә чакырылган экспертлар Казан дәүләт агара университеты базасында теоретик белемнәре белән уртаклашачак, ә тыңлаучылар практиканы республиканың алдынгы фермер һәм эре хуҗалыкларында алачак.
Тыңлаучыларны җыю 21 августтан 9 сентябрьгә кадәр барачак.