Лаеш районыннан Миңнуллиннар гаиләсе республиканың иң яхшы гаиләләре исәбенә керде
Бүген Казан Кремленең Пушечный Дворында Татарстан Республикасының иң яхшы гаиләләре хөрмәтенә тантаналы кабул итү булды. Кабул итү Татарстан Республикасы Раиса Рөстәм Миңнеханов һәм аның хатыны Гөлсинә Миңнеханова исеменнән уздырыла.
Чарада Лаеш районыннан Миңнуллиннар гаиләсе дә кунак булды. Алар өч искиткеч бала тәрбияләп үстергәннәр, хәзер дә бөтен мәхәббәтләрен, кайгыртуларын алты оныгына тапшыралар.
Рөстәм Миңнеханов искә төшергәнчә, республикада дистәләрчә мең матур һәм тату гаилә яши - бу күп балалы гаиләләр, тәрбиягә алган гаиләләр, хезмәт династияләре. Күп парлар алтын һәм бриллиант туйларны билгеләп үттеләр.
Ул искә төшергәнчә, 2023 ел безнең республикада Милли мәдәниятләр һәм традицияләр елы эгидасы астында уза. Нәкъ менә гаиләдә өлкән буыннан кече буынга милли мәдәни традицияләр, кыйммәтләр һәм туган тел тапшырыла.
Республиканың иң яхшы гаиләләре вәкилләренә мөрәҗәгать итеп, ул болай диде: «Сезнең тормыш юлыгыз үсеп килүче яшь буынга, яңа гына св ясаучы яшь кешеләргә үрнәк булып тора.