Лаеш районында илкүләм проект буенча капиталь ремонттан соң мәшгульлек үзәге ачылды
Лаеш районы Башлыгы Илдус Зарипов һәм Татарстанның Хезмәт, мәшгульлек һәм социаль яклау министры Эльмира Зарипова яңартылган халык мәшгульлеге үзәгендә булдылар.
«Кадрлар» илкүләм проекты кысаларында капиталь ремонт үткәрелде — хәзер монда заманча эш урыннары, уңайлы көтү зоналары һәм балалар почмагы бар.
Үзәк директоры Татьяна Пучкова мәгълүматлары буенча, ел башыннан:
— 293 кеше ярдәм сорап мөрәҗәгать итте
— 219 (75%) эшкә урнаштырылган инде
— 51 кеше укырга җибәрелгән
Свода катнашучыларны эшкә урнаштыруга аерым игътибар бирелә. Татьяна Пучкова билгеләп үткәнчә, партнер предприятиеләр — «Яратель» кошчылык фабрикасы, «Вафин» һәм «Дорхан 21 век» КФХлары (Казан) — дәүләт ярдәме алалар:
— бер эш урыны булдырган өчен 200 000 сумга кадәр;
— эшкә урнашкан кешенең хезмәт хакының бер өлешен компенсацияләү.
Мәшгульлек үзәгендә тулысынча яңарттылар:
— җылыту һәм яктырту системалары;
— мебель һәм навигация;
— көтү зоналары һәм балалар почмагы.
Заманча җиһазлар урнаштырдык: кондиционерлар, видеокүзәтү, кухня зонасы.
«Без илкүләм проект ярдәмендә учреждениеләребезнең ничек үзгәрүен күрәбез, — диде Илдус Зарипов. — Биредә яшәүчеләр өчен дә, хезмәткәрләр өчен дә бөтен шартлар тудырылган».
Эльмира Зарипова өстәде:
«Лаеш үзәге-комплекслы якын килүнең яхшы үрнәге. Без, мөмкин кадәр күбрәк кешегә эш табарга ярдәм итү өчен, бөтен республика буенча модернизацияне дәвам итәчәкбез».
Хәзер үзәк 175 эш бирүче белән хезмәттәшлек итә.