Социаль догазификация программасы турында барысын да белергә кирәк

Социаль догазификация программасында ничек катнашырга, субсидияләр кемгә тиеш, сораулар һәм бәхәсле хәлләр килеп чыкканда кая мөрәҗәгать итәргә-сезнең өчен иң кирәкле мәгълүматны Татарстан Республикасы Тарифлар буенча Дәүләт комитеты җыйды.

Россия Президенты Владимир Путин кушуы буенча Россия Федерациясендә, шул исәптән Татарстан Республикасында да, социаль догазификация программасы гамәлгә ашырыла.

Нәрсә ул догазификация?

Догазификация — газ бүлү челтәрләре салынган газлаштырылган торак пунктларда гражданнарның җир кишәрлекләре чикләренә гражданнарның акчаларын җәлеп итмичә генә газ кертү.

Тоташу шартлары:
Физик затлар өчен:

• Газлаштырылган торак пункт;
• Капиталь төзелешнең күздә тотыла торган объекты-теркәлгән йорт биләмәсе;
• Капиталь төзелеш объектларына моңарчы газ кертелмәгән.

Коммерциягә карамаган бакчачылык яисә яшелчәчелек оешмалары өчен:

• Газлаштырылган торак пунктта территориаль урнашу;
• Элек газлаштырылмаган;
• Газлаштыруга җәмгыятьнең ризалыгы булу.

Догазификация программасында катнашу күпме тора?

Әгәр сез газлаштырылган торак пункт чикләрендә милек хокукында яисә башка закон нигезендә индивидуаль торак йорты булган һәм шәхси, гаилә, өй һәм эшкуарлык (һөнәри) эшчәнлеген гамәлгә ашыруга бәйле булмаган башка ихтыяҗларны канәгатьләндерү өчен газдан файдаланырга ниятләгән физик зат булсагыз, сезнең өчен технологик тоташтыру бәясе нульгә тигез.

Газ бүлү челтәрләренә технологик тоташтыру мөрәҗәгать итүченең җир кишәрлеге чикләренә кадәр кулланучы акчаларын җәлеп итмичә гамәлгә ашырыла.

Догазификациягә гаризаны ничек бирергә?

Дәүләт Хезмәтләрендә
МФЦ аша
Бердәм газлаштыру операторы сайтында
Газ бүлү оешмасының сайтында яки офисында — горгаз яки райгазда.

Консультацияне «Газпром трансгаз Казань» ҖЧҖендә телефоннар аша алырга мөмкин: 8(843)288-26-14, 8(843)288-26-16, 8(843)288-23-11, яки бердәм белешмә хезмәте телефоны буенча 8-800-201-04-04.

Догазификация чаралары кысаларында нинди ташламалар бар?

Татарстан Республикасы Министрлар Кабинетының «Йорт биләмәсе чикләре эчендә газ үткәрүгә һәм йорт эчендәге газ җиһазларын сатып алуга бәйле чыгымнарны каплауга субсидия бирү турында» 2023 елның 11 мартындагы 231 номерлы карары белән Татарстан Республикасы территориясендә яшәүчеләргә бер йорт биләүгә 100 мең сумнан артык булмаган чыгымнар күләмендә субсидияләр билгеләнгән.

Субсидиягә хокуклы гражданнар категорияләре:

Бөек Ватан сугышы ветераннары;
Сугышчан хәрәкәтләр ветераннары;
Һәлак булган (вафат булган) сугыш инвалидларының, Бөек Ватан сугышында катнашучыларның, сугышчан хәрәкәтләр ветераннарының гаилә әгъзалары;
1 һәм 2 төркем инвалидлар;
Инвалид баласы булган гаиләләр;
18 яшькә кадәр өч һәм аннан да күбрәк баласы булган гаиләләр;
Җан башына уртача кереме 19 мең сумнан кимрәк булган гаиләләр;
Свода катнашучыларның гаиләләре һәм башкалар.

Субсидия бирү мәсьәләләре буенча яшәү урыны буенча территориаль социаль яклау органнарына мөрәҗәгать итәргә кирәк.

Программаның гамәлдә булу вакыты:

Социаль газлаштыру программасы вакыты чикләнмәгән.

Шулай ук догазификация медицина һәм мәгариф оешмаларына: балалар бакчаларына, мәктәпләргә, поликлиникаларга, хастаханәләргә, фельдшер-акушерлык пунктларына, гомуми практика табиблары бүлекләренә һәм табиб амбулаторияләренә дә кагыла.