Балаларыбызны һәм оныкларыбызны сөендерәчәкләр: Лаешта 3000 чыршы утырттык

2025 елның 31 октябре, җомга

Бүген Лаешта «Экологик иминлек» милли проекты ярдәмендә оештырылган «Урманны саклыйк» масштаблы экологик акция узды. Олег Кошевой урамында экстрим-парк янында халык 3000 чыршы утырткан.

Чарада район башлыгы Илдус Зарипов, Совет һәм Башкарма комитет хезмәткәрләре, студентлар, «Беренчеләр хәрәкәте» активистлары, ветераннар советы вәкилләре, Урман хуҗалыгы һәм урманчылык хезмәткәрләре, шулай ук Лаеш шәһәренең битараф булмаган күп кенә халкы катнашты.

Илдус Зарипов акциядә катнашучыларның барысына да рәхмәт белдерде: «Бүген без районыбызның киләчәге өчен мөһим эш башкарабыз. 10 елдан соң бу үсентеләр балаларыбызны һәм оныкларыбызны сөендерерлек матур чыршыга әвереләчәк. Бу безнең төбәкнең экологик иминлегенә керткән өлешебез»