Сулыкларда куркынычсызлык — безнең уртак кайгыртуыбыз
Эшлекле дүшәмбедә кышкы чорга әзерлек һәм сулыкларда куркынычсызлык турында фикер алыштылар. Кече суднолар буенча дәүләт инспекторы Вячеслав Ватомов хәбәр иткәнчә, Кама һәм Идел елгаларындагы ГИМСның Лаеш инспекторлык участогы җаваплылыгы зонасында акваториянең гомуми мәйданы 40 000 кв. км дан артып китә, бу бозлавык чорында зур куркыныч тудыра.
Боз торуы башланганнан алып махсус боерыкка кадәр Куркынычсызлыкны тәэмин итү өчен тәүлек буе эшли торган ике коткару посты оештырылачак:
· Ташкирмән торак пунктында балык участогы территориясендә, реакция зонасы — Тәтәдән алып Ташкирмәнгә кадәр һәм Мишә култыгы акваториясендә.
· Лаеш шәһәрендә ГИМС инспекторлык участогы базасында, җаваплылык зонасы — Шураннан алып Ташкирмәнгә кадәр.
Кыш башланыр алдыннан район мәктәпләрендә укучылар һәм ата-аналар белән профилактик әңгәмәләр үткәрелгән, «Бозда уяу булам!». Кышкы чорда коткаручылар, полиция һәм балык саклау белән уртак рейдлар, шулай ук бозның калынлыгын даими мониторинглау планлаштырылган.
Лаеш районы Башлыгы Илдус Зарипов профилактик эшне көчәйтергә кушты: «Кышкы чорда сулыкларда куркынычсызлык — ул безнең уртак кайгыртуыбыз. Барлык җирлек башлыкларыннан, гадәттән тыш хәлләр министрлыгы һәм хокук саклау органнары хезмәткәрләреннән максималь контрольне тәэмин итүләрен сорыйм. Балыкчыларга һәм балаларга аерым игътибар бирелә. Халыктан бик сак булырга, нык булмаган бозга чыкмаска һәм тотылган балыкның кеше гомеренә дә тормый икәнен истә тотарга үтенәм».
Бу юнәлештә эш дәвам итә.