2026 елдан Россиядә ярдәмнең яңа чарасы — ата-аналар өчен еллык гаилә түләве гамәлгә ашырыла башлаячак. Әлеге түләүне алырга икесе дә рәсми рәвештә эшләүче, 18 яше тулмаган яки уку йортының көндезге бүлегендә укучы 23 яшькә кадәрге ике һәм аннан да күбрәк бала тәрбияләүче ата-аналар (уллыкка алучылар, опекуннар, попечительләр) хокуклы. Шул ук вакытта үзмәшгульләр һәм махсус режимнарда эшләүче шәхси эшмәкәрләр өчен бу түләү каралмаганлыгын аңларга кирәк.

Лаеш районында 2026-2030 елларга исәпләнгән «Яшь гаиләләрне торак белән тәэмин итү» программасын гамәлгә ашыру дәвам итә. Агымдагы елда социаль түләү алу таныклыгына Лаеш шәһәреннән Хәйруллиннар гаиләсе ия булды.

«МСП «Корпорациясе» АҖ яңа проектларны алга этәрү буенча стратегик инициативалар агентлыгы белән берлектә яшьләр эшмәкәрлеге буенча ел саен үткәрелә торган «Безнекен булдыр» Федераль конкурсы башлануы турында игълан иттеләр. Чара яшь буын арасында бизнес-инициативаларга ярдәм итүгә һәм аларны үстерүгә юнәлдерелгән.  

2026 елның 1 мартыннан үз участокларын инвазив (чит) үсемлекләрдән сакларга тиешле затлар даирәсен киңәйтә торган законнардагы үзгәрешләр үз көченә керә. Элек мондый бурыч авыл хуҗалыгы җирләре хуҗаларына гына кагыла иде. Хәзер — җир кишәрлекләренең барлык категорияләре милекчеләренә.