19 янгын сүндерелгән, 22,5 гектар урман торгызылган: Лаеш районында урман тармагы эшенә йомгак
Лаешта ТР Урман хуҗалыгы министры урынбасары Рәис Гомәров 2025 елда ТР «Лаеш урманчылыгы» ДКУ һәм «Лаеш урман хуҗалыгы» ДБУ эшенә йомгаклар ясау буенча киңәшмә үткәрде. Утырышта район башкарма комитеты җитәкчесе Рамил Гарифуллин катнашты.
Төп нотык белән җитәкче-урманчы Валерий Изибеков чыгыш ясады. Ул хәбәр иткәнчә, Лаеш урманчылыгы урман фондының гомуми мәйданы 34,1 мең га тәшкил итә, шулардан урман белән капланган мәйданы — 32,6 мең га. структурага өч кишәрлек урманчылыгы керә: Лаеш, Питрәч һәм Янтык.
Узган елда «Урманнарны саклау» федераль проекты «Экологик иминлек» милли проекты кысаларында түбәндәге эшләр башкарылды:
— 22,5 га мәйданда урман торгызу;
— урман хасил итүче төп токымнарның 215 кг орлыгы әзерләнде;
— 553,2 мең данә стандарт утырту материалы үстерелгән.
Урманнарны яклау өчен 50,6 га мәйданда урман патологиясе тикшерелде һәм 22,8 га мәйданда ликвид булмаган агач җыеп алынды.
Урманнарны янгыннан саклау мәсьәләләренә аерым игътибар бирелде. Валерий Изибеков билгеләп үткәнчә:
«Янгын куркынычы сезоны дәвамында 19 янгын очрагы теркәлгән. Аларның барысы да оператив рәвештә юк ителде, урман янгыннарына юл куелмады. Хәзерге вакытта 2026 елның янгын куркынычы һәм урман культуралары сезонына әзерлек бара».
Район башкарма комитеты җитәкчесе Рамил Гарифуллин үз чыгышында авыл хуҗалыгы җирләре белән эшләүгә аерым тукталды:
«12 мең гектарның яртысыннан артыгы тәртипкә китерелде. Карарбыз, яз нәрсә күрсәтер. Кырларда калган корылыклылык һәм үсемлекләр куркыныч тудыра. Муниципаль контроль тәртибендә гидрантларны чистарту эшләре башкарылды».