Прокуратура аңлата: инвалидлар хокуклары бозылганда кая мөрәҗәгать итәргә
Дәүләт дәрәҗәсендә билгеләнгән гражданнарга ярдәм күрсәтү чаралары, аларны инвалид дип тануга кадәр дә, аннан соң да, төрле башкарма хакимият органнары һәм башка оешмалар, мәсәлән: социаль сәясәт комитеты, район администрацияләре, Россия Социаль фонды бүлекчәләре, медико-социаль экспертиза бюросы, мәшгульлек үзәкләре тарафыннан гамәлгә ашырыла.
Мәсьәләләрне хәл итү өчен һәрвакыт аларның җитәкчеләренә мөрәҗәгать итәргә мөмкин.
Һәр очракта мөрәҗәгать итәргә тиешле органны сайлау гариза бирүчене кызыксындырган ярдәм чарасына бәйле. Инвалидларга ярдәм күрсәтү өлкәсендә гамәлгә ашырыла торган вәкаләтләр исемлеге белән тиешле органнарның рәсми сайтларында танышырга мөмкин.
Шулай ук инвалидлык билгеләү, реабилитацияләүнең техник чаралары бирү, социаль түләүләр алу кебек теләсә кайсы мәсьәлә буенча Татарстан Республикасы прокуратурасы органнарына мөрәҗәгать итәргә мөмкин.
Кирәк булганда, бозылган хокукларны яклау турында гаризаны судка тапшырыгыз.