«Геройның хатыны, балалары, әнисе»: Лаеш районы бөтенроссия проектын кабул итәчәк

25 июльдә Лаеш районы «Геройның хатыны, балалары, әнисе» бөтенроссия проектын үткәрү мәйданчыкларының берсе булачак. Чара «Белогорье» Яшьләр үзәгендә узачак һәм махсус хәрби операциядә катнашучыларның туганнарын һәм якыннарын бергә җыячак.

«Геройның хатыны, балалары, әнисе» проекты ил буенча Халык фронты һәм Ватан сугышчылары гаиләләре комитеты ярдәмендә гамәлгә ашырыла. Аның төп максаты — сакчыларның гаиләләрен берләштерү, аларга психологик ярдәм күрсәтү, охшаш хәлгә эләккәннәр белән аралашу мөмкинлеге бирү һәм аңлаучы кешеләр даирәсендә булу.

Катнашуга чакырыла: хәзер СВО зонасында булган сакчыларыбызның хатыннары, әниләре һәм балалары; геройлары хәбәрсез югалган гаиләләр (оештыручылар алар белән бергә ышаналар һәм көтәләр); өйләренә кайткан ветераннар гаиләләре; һәлак булган геройларның туганнары — аларның батырлыгы мәңге безнең йөрәкләребездә.

Фотопроект кысаларында төшерү 2026 елның 25 июлендә «Белогорье» яшьләр үзәгендә (Лаеш шәһәре, Пролетарская ур., 46) сәгать 10:00 дән башлап узачак.
Катнашу бушлай. Алдан язылу мәҗбүри. Язылу һәм өстәмә мәгълүмат өчен телефон: +7(927)249-59-88.