Лаешта «Камское море – 2016» парус регатасы башланды
Әлеге ярышка Лаешка 100 кешелек 13 команда килде. Бу исә инде бишенче шундый регата. Ярышлардагы иң яшь катнашучыга 9 яшь, ә иң өлкәненә – 68. Казан, Яшел Үзән, Яр Чаллы, Алабуга, Тольятти, Түбән Новгород, Башкортостан, Пермь крае, Чиләбе һәм Ярославль өлкәләреннән килгән спортчыларны Лаеш районы башлыгы Михаил Афанасьев сәләмләде: “Камское море” регатасы билгеле ярышларга әйләнде. Ел саен анда катнашучылар саны да арта бара. Безнең районды җиде елга ага, зур күләмле Куйбышев сусаклагычы урнашкан. Без әлеге ярышларны яраттык, аны көтәбез, әзерләнәбез. Спортчыларга яшәр өчен уңайлы шартлар тудырабыз”. Ул Татарстанның парус спорты федерациясенә, шәхсән Юрий Бродниковскийга рәхмәтен җиткерде. Михаил Афанасьев әйтүенчә, ул регатаны башлап җибзрүче булып тора. Үз чиратында Юрий Бродниковский район һәм аның башлыгының ярдәменнән башка әлеге ярышлар булмас иде.
Лаеш районы матбугат хезмәте