Халыкара өлкәннәр ункөнлегендә, “Туган як“ акциясе кысаларында Лаеш районы башлыгы урынбасары Илгизә Тимершина һәм Лаеш районы социаль яклау бүлеге начальнигы Татьяна Борһанова Арча интернат-йортында яшәүче тыл хезмәтчәне – Гайсина Миңнезәфәр янына игелек визиты белән бардылар.
Визит барышында тыл хезмәтчәненә район башлыгы Михаил Афанасьевтан истәлекле бүләкләр тапшырылды. Интернат-йорт коллективына безнең районда туган ханымга карата сизгер мөнәсәбәтләре өчен рәхмәт сүзләре белдерелде.