Лаеш районында бәясе 15 миллиард сум булган уртак татарстан-кытай авыл хуҗалыгы паркы барлыкка киләчәк

2017 елның 27 феврале, дүшәмбе
Татарстан Президенты Рөстәм Миңнеханов КНРга эшлекле визит барышында «Сельскохозяйственный парк Сяосян — Волга» уртак инвестпроектында катнашучылар белән очрашты һәм инвесторлар белән аны гамәлгә ашыруның беренче адымнары турында фикер алышты. Исегезгә төшерәбез, Татарстан делегациясе составына Лаеш районы башлыгы Михаил Афанасьев та керде.
ТР Президенты матбугат хезмәте хәбәр иткәнчә, яклар проектның юл картасын төзү турында килештеләр һәм Татарстан белән КНРдан проект кураторларын билгеләделәр. Инвесторлар ТР ягыннан аларга кирәкле коммуникацияләрне булдыруда ярдәм кирәк буласын билгеләделәр, моңа җавап итеп Миңнеханов әлеге мәсьәләне үзенең шәхси контроленә алачагын ышандырды.
Исегезгә төшерәбез, узган елда Кытайның Хунань провинциясе һәм Татарстанның “Агросервис” НПОсы Татарстанда «Сяосян — Волга» авыл хуҗалыгы сәнәгать паркы булдыру һәм аның беренче этабын төзү турында килешүгә кул куйдылар. Парк үсемлекчелек продукциясен биоэшкәртүдә махсуслашачак һәм елына 300 мең тонна ашлык эшкәртергә һәм 200 төр азык-төлек продукциясе һәм фармацевтика белән косметология чималы җитештерергә мөмкинлек бирәчәк. Проектның гомуми бәясе 15 миллиард сумнан артыграк тәшкил итә. Аны тормышка ашыруда Кытай партнерларыннан кала Россия Федерациясе һәм Татарстан Республикасының инвесторлары да катнашырга әзер.
Мәйданы 100 гектар булган парк ТРның Лаеш районында урнашачак дип планлаштырыла. Хәзерге вакытта Кытай ягыннан 7 компания проект инвесторы булып тора.
ТР Лаеш районы матбугат хезмәте
БАРЛЫК ЯҢАЛЫКЛАРНЫ УКУ
ЯҢАЛЫКЛАРГА ЯЗЫЛУ
Район турында
Документлар
Матбугат үзәге
Гражданнар мөрәҗәгате һәм кабул итү
Адрес: 422610, Республика Татарстан, Лаишевский район, г. Лаишево, ул. Первомайская, 39
Телефон: 8 (84378) 2-51-51
E-Mail: Sovet.Laishevo@tatar.ru
Без социаль челтәрләрдә:
Сорау бирү
Обычная версия
Сайттагы барлык материаллар лицензия буенча тәкъдим ителә:
Creative Commons Attribution 4.0 International