Район башлыгы Михаил Афанасьев һәм ТР мәдәният министры Айрат Сибагатуллин экология дәресендә булдылар

2017 елның 2 марты, пәнҗешәмбе

Район башлыгы Михаил Афанасьев һәм ТР мәдәният министры Айрат Сибагатуллин “Экология дәресе” республика акциясе кысаларында Кече Елга урта мәктәбендә экология дәресендә булдылар. Аңа кадәр алар белем бирү оешмасының казанышлары белән таныштылар.

Укучылар әкият персонажлары ролендә чыгыш ясап, кунакларга экология һәм аны кайгырту турында уен формасында сөйләделәр. Сюжетка ярашлы төстә, Шүрәле һәм Су Әбисе кешеләрнең экологиягә карата начар мөнәсәбәте аркасында тайгага китәргә уйлаганнар. Кешеләрнең үз-үзләрен тотуы нәтиҗәсендә аларга яшәр урын калмаган: ни урманда, ни елгада. Персонажлар өчен бердәнбер котылу юлы – табигать үз тормышы белән яшәгән Себергә күчеп китү. Бәхеткә каршы, кешеләр бик тиз аңга киләләр һәм Шүрәле һәм Су Әбисе яшәгән территорияләрне чистарталар, шулай ук киләчәктә экологиягә карата сакчыл мөнәсәбәттә булырга сүз бирәләр.
ТР мәдәният министры Айрат Сибагатуллин укучылар инсценировкасын уңай бәяләде һәм аларны тормышта да табигатькә карата игътибарлы булырга һәм аны чиста тотарга һәм сакларга чакырды. Аның сүзләре буенча, Татарстанда 36 меңнән артык су объекты урнашкан, шулай ук гаять зур күләмдә урманнар бар. Министр әлеге байлыкларны сакларга кирәклеген билгеләде һәм хәзерге балаларның бу миссияне уңышлы башкаруына ышануын белдерде.
Михаил Афанасьев  экологиянең кеше тормышында иң мөһим нәрсәләрнең берсе булуын билгеләде. “Су һәм яшел табигать белән зур кыенлыклар кичерүче дәүләтләр бар, ә безнең илдә алар тулы күләмдә. Әмма бу җитәрлек түгел, аны югалтмас өчен экологияне сакларга кирәк. Тик мин ышанам, әгәр безнең балаларыбыз бүген без күргәнчә булсалар, безнең табигать сакланачак. Укучыларга экологик тәрбия бирүгә игътибар итү мөһим”, - диде район башлыгы.
ТР Лаеш районы матбугат хезмәте
БАРЛЫК ЯҢАЛЫКЛАРНЫ УКУ
ЯҢАЛЫКЛАРГА ЯЗЫЛУ
Район турында
Документлар
Матбугат үзәге
Гражданнар мөрәҗәгате һәм кабул итү
Адрес: 422610, Республика Татарстан, Лаишевский район, г. Лаишево, ул. Первомайская, 39
Телефон: 8 (84378) 2-51-51
E-Mail: Sovet.Laishevo@tatar.ru
Без социаль челтәрләрдә:
Сорау бирү
Обычная версия
Сайттагы барлык материаллар лицензия буенча тәкъдим ителә:
Creative Commons Attribution 4.0 International