"Быстрее, выше, сильнее!" күңелле стартлары

Столбищеның “Сказка” балалар бакчасының физик культура буенча инструкторы Мусина Наилә Фәрит кызы өлкән төркем балалары арасында "Быстрее, выше, сильнее!" күңелле стартлары үткәрде. Өч команда катнашты: Улыбка, Ромашка һәм Йолдызчык. Командалар төрле эстафеталарда, конкурсларда катнаштылар. Шул ук вакытта алар үзләренең җитезлекләрен, тизлекләрен, түземлекләрен, координацияләрен, командада эшли алуларын, бер-берсенә ярдәм итә белүләрен күрсәттеләр. Чара позитив, яхшы кәеф белән үтте. Һәр командага күңелле стартларда актив катнашкан өчен грамоталар тапшырдылар.