Лаеш районы террорчылыкка каршы көрәш комиссиясенең чираттан тыш утырышы

Бүген район Советының зур залында район башлыгы Михаил Афанасьев рәислегендә Лаеш районында террорчылыкка каршы көрәш комиссиясенең чираттан тыш утырышы булды. Татарстан Республикасы көненә, Белем көненә һәм Корбан гаетенә багышланган бәйрәм чараларына әзерләнү һәм үткәрү чорында террорчылык актларын кисәтү һәм җәмәгать иминлеген көчәйтү буенча өстәмә чаралар турында РФ ЭЭМның Лаеш районы бүлеге полиция участок уполномоченныйлары һәм балигъ булмаганнар белән эш бүлеге начальнигы Марсель Булатов сөйләде. Башкарма комитетның җәмәгать иминлеген һәм тәртип тәэмин итү буенча әйдәүче белгече Иван Алешин комиссия әгъзаларын һәм утырышта катнашучыларны террорчылыкка каршы көрәш комиссиясе һәм ТРның оператив штабының уртак Беркетмәсен үтәү кысаларындагы төп чаралар белән таныштырды. Аннан соң Лаеш районы белем бирү учреждениеләренең яңа уку елына әзерлеге һәм террорчылык актларыннан сакланганлыгын тәэмин итү буенча чаралар турында районның мәгариф идарәсе начальнигы Гөлнара Шәрипова чыгыш ясады. Лаеш шәһәр Советы аппаратының әйдәүче белгече Фатыйма Сакаева “Экстремизмга – ЮК!” айлыгын әзерләү һәм үткәрү турында сөйләде. Һәр чыгыш ясаучыга Лаеш районы прокуроры Дмитрий Белянин авырткан урыннарны ачыклау өчен төгәллек кертүче конкретлаштырылган сораулар бирде.

Кайбер илләрдә соңгы вакытта фаҗигале хәлләр  булганлыктан, район башлыгы Михаил Афанасьев хокук саклау органнарын кешеләр күпләп җыела торган урыннарда җәмәгать иминлегенә зуррак игътибар бирергә чакырды.

ТР Лаеш районы матбугат хезмәте