Татарстанда республиканың беренче Хөкүмәте төзелүнең 100 еллыгын билгеләп үтәләр
Бүген АТСР Халык Комиссарлары Советы — республиканың беренче Хөкүмәте төзелүгә 100 ел тулды. Бу хакта ТР Президенты матбугат хезмәте хәбәр итә.
1920 елның 27 маенда кабул ителгән «Автономияле Татар Социалистик Республикасы турында» Бөтенроссия Үзәк Башкарма Комитеты Декреты нигезендә, дәүләт хакимияте аппараты җирле депутатлар советларыннан, Үзәк Башкарма комитеттан һәм АТСР Халык Комиссарлары советыннан тупланган.
АССР Советларының беренче гамәлгә кую Съезды 1920 елның 26-27 сентябрендә уза. Анда ТАССР Үзәк Башкарма комитеты (Татарстан Үзәк сайлау комиссиясе) сайланды. ТатҮБКның беренче пленар утырышы 28 сентябрьдә узды. Утырышта катнашучылар ТатҮБК Президиумын сайлау мәсьәләсен карадылар, очрашуда шулай ук республиканың беренче Хөкүмәте — АТССР Халык Комиссарлары Советы оештырылды, аның составына 15 кеше керде. Беренче рәис итеп Сәхиб-Гәрәй Сәид-Галиев сайланды.