11 гыйнвардан 20 гыйнварга кадәр сулыш органнары авыруларын профилактикалау буенча ункөнлек уза
Перинаталь үзәкле Балалар шәһәр хастаханәсенең Пульмонология бүлеге мөдире Ләлә Илгизәр кызы Юнысова балаларда мондый авырулар барлыкка килү сәбәпләре һәм аларны профилактикалау ысуллары турында сөйләде:
Сулыш органнары авырулары балалар яшьтә барлык йогышлы патологиянең 90 % ын тәшкил итә. Кискен респиратор авырулары белән авыручылар саны иң югары 3 яшьлек балалар арасында күзәтелә. Авыру вируслар, энтеровируслар, коронавируслар, күп санлы бактерияләр, шулай ук атипик микроорганизмнар - хламидияләр, микоплазмалар, гөмбә китереп чыгара ала.
Еш кына респиратор авырулар барлыкка килүгә инфекция чыганаклары белән элемтәләрнең артуы да ярдәм итә. Сәламәтләндерүдә бронхларның яхшы дренажын тәэмин итүгә һәм сулыш мускулатурасының тонусын күтәрүгә юнәлдерелгән дәвалау физкультурасы, сулыш гимнастикасы махсус комплексларын системалы рәвештә үткәрү мөһим.