Илдус Зарипов: Төп макроикътисадый күрсәткечләр узган ел белән чагыштырганда үсеш күрсәтә
Бүген Лаеш муниципаль районы Советы утырышы узды, анда районның 2022 елдагы социаль-икътисади үсеш нәтиҗәләре турында фикер алыштылар һәм 2023 елга бурычлар билгеләделәр. Чара Татарстан Республикасы Премьер-министрының беренче урынбасары Рөстәм Нигъмәтуллин катнашында узды.
2022 елда тулаем территориаль продукт бәяләү буенча 45,5 млрд. сум тәшкил итәчәк, бу узган елгы дәрәҗәдән 113,8 процентка югарырак, дип билгеләде Илдус Зарипов. Хисап елында сәнәгать предприятиеләре тарафыннан төяп җибәрелгән продукция күләме 59,5 млрд. сум тәшкил итте, үсеш узган елга карата 105%.
Төп капиталга инвестицияләр күләме 19,7 млрд. сум тәшкил итте, үсеш 137,8%. Районның социаль-икътисадый үсешенә түбәндәге предприятиеләр аерым өлеш кертә: Казан май комбинаты, «АйСиЭл» компанияләр төркеме, «Яратель» Птицефабрикасы, «Казан» халыкара аэропорты, «Авиасервис» компаниясе, «Дорхан» компанияләр төркеме, «Таткабель» заводы, «Ферекс» сәүдә йорты.