Лаеш районында һөнәри осталык буенча чемпионат этабы узды

2023 елның 17 марты, җомга

Лаеш техникумында «Профессионаллар-2023» һөнәри осталык чемпионатының төбәк этабы тәмамланды. Техникум дүрт компетенция буенча һөнәри осталык конкурсын үткәрүнең төбәк мәйданчыгы булып тора: «Хокук саклау эшчәнлеге (полицейский)», «Пилотсыз һава судноларын тышкы пилотлау һәм эксплуатацияләү», «Һава транспортында сервис», «Пилотсыз авиация системаларын ремонтлау».

«Профессионаллар» хәрәкәтенең төп максаты Россия икътисадының төрле тармакларын кадрлар белән тәэмин итүгә ярдәм итү, бу «Демография» милли проектының «Мәшгульлеккә ярдәм» федераль проекты максатларына ирешүгә ярдәм итә. Милли проектлар Россиядә Россия Президенты Владимир Путин Указы буенча гамәлгә ашырыла.