Лаеш районы «Все свои» марафонына кушылды

2023 елның 17 октябре, сишәмбе

РДКда Ватанны якларга карар кабул иткән ир-атларга теләктәшлек йөзеннән "Россияне йөрәк белән саклыйк!" концерты узды.

Программада - районыбыз иҗат коллективларының җырлары һәм биюләре.

Сәламләү сүзе белән Лаеш районы башлыгы Илдус Зарипов чыгыш ясады: «Лаеш җире үзенең кыю һәм батыр уллары, чиксез тугрылыклы Ватаны белән дан тота. Бу бик зур дәрәҗә - үз йортыбызны, гаиләбезне, бөтен халкыбызны яклау. Ватан мәнфәгатьләрен кайгыртучы каһарманнарга рәхмәтемне белдерәм. Сезнең ватанпәрвәрлегегез, батырлыгыгыз һәм кыюлыгыгыз лаеклы үрнәк булып тора.

Туган ил - бер! Һәм безнең көчебез белән аның азатлыгын тәэмин итәргә. Барыбызга да иминлек һәм тыныч күк йөзе телим!" - диде башлык.