Татарстанда томан көтелә: юлларда игътибарлы булыгыз
Гидрометцентр мәгълүматлары буенча, 16 сентябрьнең 21 сәгатеннән 17 сентябрьнең 10 сәгатенә кадәр Татарстан Республикасы территориясендә һәм Казан шәһәрендә кайбер урыннарда томан көтелә. Лаеш районы халкын игътибарлы булырга һәм саклык чараларын үтәргә чакыралар.
Томан юлларда күренешне сизелерлек начарлатырга мөмкин, бу йөртүчеләр һәм җәяүлеләр өчен куркыныч тудыра. Мондый шартларда тизлекне киметү, дистанцияне саклау, томанга каршы фараларны кабызу һәм чиктән тыш игътибарлы булу аеруча мөһим.
Җәяүлеләргә юлларны бары тик билгеләнгән урыннарда гына кичәргә һәм юл өлешенә чыгар алдыннан иминлеккә ышану тәкъдим ителә. Аерым игътибар — якынлашып килүче транспорты күрмәскә мөмкин булган балаларга һәм өлкән яшьтәге кешеләргә.
Гадәттән тыш хәл булган очракта 112 номерына шалтыратыгыз. Үзегезне һәм якыннарыгызны саклагыз.