Татарстан җыелма командасы «Абилимпикс» милли чемпионатыннан кайтты
Татарстан җыелма командасы инвалидлар һәм сәламәтлек мөмкинлекләре чикләнгән затлар арасында һөнәри осталык буенча «Абилимпикс» IV Милли чемпионаттан кайтты. Ул 20-23 ноябрьдә Мәскәүдә үтте. Аларны Казанда тимер юл вокзалында каршыладылар, каршылаучылар арасында Премьер-министр урынбасары - ТР мәгариф һәм фән министры Рафис Борһанов та бар иде.
Татарстан Республикасы әлеге чемпионатта гомумкоманда исәбендә 3 урын һәм шәхси исәптә 19 медаль алды.
“Алтын” - 5 компетенциядә 8 медаль («Фотограф-репортер», «Предпринимательство», «Кирпичная кладка», «Парикмахерское искусство», «Промышленная робототехника»). Алар арасында Лаеш техникумы студенты Анастасия Шастина да бар, ул «Предпринимательство» компетенциясендә 1 урынга лаек булды.
Татарстан Республикасын 24 компетенция буенча 31 катнашучы тәкъдим итте.
ТР Лаеш районы матбугат хезмәте