ТР буенча төп федераль инспектор Лаеш районында гражданнарны читтә кабул итте
2026 елның 1 апрелендә Россия Федерациясе Президентының Татарстан Республикасындагы кабул итү бүлеге җитәкчесе — Татарстан Республикасы буенча төп федераль инспектор Виктор Демидов Татарстан Республикасының Лаеш муниципаль районында гражданнарны читтә кабул итү үткәрде.
Читтә кабул итүдә шулай ук Татарстан Республикасы прокуроры урынбасары Тимур Нуриев һәм Россия Федерациясе Тикшерү комитетының Татарстан Республикасы буенча тикшерү идарәсе башлыгы урынбасары Руслан Солтанов катнашты.
Гражданнар хокукый һәм социаль характердагы киң мәсьәләләр буенча мөрәҗәгать итте. Мөрәҗәгатьләр тематикасы Россия Федерациясе гражданлыгы, торак-коммуналь хуҗалык, шул исәптән коммуналь хезмәтләр тарифлары һәм каты коммуналь калдыкларны чыгару мәсьәләләрен колачлады.
Моннан тыш, гражданнар милек хокукларын яклау һәм килешүләрне рәсмиләштерү, территорияләрне төзекләндерү, торак мәсьәләләре, ТР Лаеш районында инфраструктураны үстерү, шулай ук махсуслаштырылган экспертизалар үткәрү зарурлыгы белән бәйле мәсьәләләргә дә кагылды.
Кергән барлык мөрәҗәгатьләр Россия Федерациясенең гамәлдәге законнарына катгый рәвештә туры китереп каралды һәм алар буенча тиешле аңлатмалар бирелде.
Белешмә өчен:
ТР буенча федераль башкарма хакимият органнарының территориаль органнары җитәкчеләре, ТР Дәүләт Советы депутатлары, ТР прокуратурасы җитәкчеләре һәм башка дәүләт органнары җитәкчеләре тарафыннан РФ Президентының ТРдагы кабул итү бүлегендә гражданнарны шәхсән кабул итү графигы ТР буенча төп федераль инспекторның рәсми сайтында «РФ Президентының ТРдагы кабул итү бүлеге» бүлегендә урнаштырылган (http://gfi.tatarstan.ru/).