Лаеш районында волейбол буенча ярышлар төгәлләнде

2018 елның 14 декабре, җомга

Комлы Ковали авылының «Дружба» спорт һәм ял үзәгендә Лаеш районының ирләр һәм хатын-кызлар командалары арасында волейбол буенча турнирның финалы узды. Хатын-кызлар арасында өченче урынны Лаешның 2нче мәктәбе алды, икенче урында - район мәгариф идарәсе волейболчылары, беренче урынны үзәк район хастаханәсе командасы яулады.

Ир-егетләр арасында өченче урынны район мәдәният бүлеге командасы алды, икенче урында - «Атлантида», ә төп приз Атабай командасында. Призерларга бүләкләрне район башлыгы урынбасары Татьяна Борһанова һәм район башкарма комитеты җитәкчесенең беренче урынбасары Андрей Карсалов тапшырды.

ТР Лаеш районы матбугат хезмәте