Марина Девятова Каравон-2019 ның махсус кунагы булачак
25 майда Лаеш районының Никольский авылындарус халык бәйрәме Каравон узачак. Быел бәйрәм кунакларын халык бәйрәме киңлегенә максималь җәлеп итүче интерактив тематик мәйданчыклар көтә. Алар арасында – бергәләп җырлау, бию, биюләр өйрәнү, балалар уеннары, батырлар тамашалары, шулай ук осталардан – чүлмәкчеләр, тукучылар һәм башкалардан борынгы ысулларга һәм технологияләргә өйрәнү.
Халык күңел ачуларының бизәге зур ярминкә булырга тиеш. Бәйрәм гадәттәгечә барлык катнашучылар һәм кунаклар катнашында зур әйлән-бәйлән белән тәмамланачак.
Россия җырчысы, халык җырларын башкаручы, халыкара фестивальләр һәм конкурслар лауреаты, «Народный артист-3» телевизион проекты финалисткасы – Марина Девятово бәйрәмнең махсус кунагы булачак.
ТР Лаеш районы матбугат хезмәте