Лаеш районы Татарстан муниципалитетларының социаль-икътисадый үсеше рейтингы алдынгыларында

2019 елның 5 сентябре, пәнҗешәмбе

Татарстан Республикасы Икътисад министрлыгы 2019 елның җиде ае йомгаклары буенча Татарстан районнарының социаль-икътисадый үсеше рейтингын бастырып чыгарды. Аны Казан, Әлмәт һәм Лаеш җитәкләде. Шәһәр һәм авыл халкы булган муниципалитетлар арасында үз төркемендә Лаеш районы традицион рәвештә 1 нче урынны алды.
Ведомство билгеләп үткәнчә, гыйнвар-июль айларында республикада 1550 мең кв.м. торак файдалануга тапшырылган. Лаеш - җан башына иң зур торак мәйданы кертелгән районнарның берсе (2,223 кв. м.). Шулай ук районда эшсезлекнең иң түбән дәрәҗәсе теркәлгән.
ТР Лаеш районы матбугат хезмәте