Лаешта район үсешенең мөһим мәсьәләләре турында фикер алыштылар
Бүген район Советының зур залында район Башкарма комитеты җитәкчесе вазифаларын башкаручы Илдус Зарипов рәислегендә аппарат киңәшмәсе узды. Ул район финанс-бюджет палатасы рәисе Елена Галиеваны туган көне белән котлады, аңа бәхет, сәламәтлек һәм эшләрендә уңышлар теләде.
Хисап чорының оператив хәле турында РФ Эчке эшләр министрлыгының Лаеш районы буенча бүлеге начальнигы урынбасары Айрат Галиев чыгыш ясады. Лаеш шәһәрен төзекләндерү мәсьәләсе буенча шәһәр Башкарма комитеты җитәкчесе Рәис Нургалиев чыгыш ясады. Лаеш районы территориясендә Өлкәннәр декадасын үткәрү турында социаль яклау бүлеге начальнигы Елена Сюнина сөйләде. Кече Елга авыл җирлегендә авыл территорияләренең үсеше турында җирлек башлыгы Лилия Кыямова чыгыш ясады.
ТР Лаеш районы матбугат хезмәте