Лаеш районы Советының зур залында коррупциягә каршы көрәш буенча утырыш узды
Бүген, 30 сентябрьдә, Лаеш районы Советының зур залында ТР Лаеш районында коррупциягә каршы көрәш буенча эшне координацияләү комиссиясе утырышы узды. Утырышта ТР Лаеш районы башкарма комитеты җитәкчесе вазифаларын башкаручы Илдус Зарипов һәм мәгариф, Финанс — бюджет, контроль-хисап һәм медицина структуралары хезмәткәрләре катнашты. Анда мәгариф өлкәсендә коррупцион күренешләргә юл куймау һәм мәктәпкәчә белем бирү учреждениеләрендә чиратларны киметү турында мәсьәләләр каралды. Бюджет акчаларын тотуны тикшерүне көчәйтү турында һәм медицина учреждениеләре хезмәткәрләренең максатчан төркемнәре һәм пациентлар белән коррупция темасына социологик тикшеренүләр турында темалар күтәрелде. Коррупциягә каршы тору өлкәсендә законлылык һәм прокурор күзәтчелеген оештыру торышына анализ ясалды.