Илдус Зарипов аппарат киңәшмәсе үткәрде
Бүген Лаешта район җитәкчесе Илдус Зарипов рәислегендә предприятие һәм оешма, хакимият органнары, районның тормыш тәэмин итү хезмәтләре җитәкчеләре һәм авыл җирлекләре башлыклары белән аппарат киңәшмәсе узды.
Киңәшмә алдыннан «Иң яхшы комбайнчы»республика конкурсы йомгаклары буенча районның авыл хуҗалыгы предприятиеләре хезмәткәрләрен Татарстан Республикасы Авыл хуҗалыгы һәм азык-төлек министрлыгы Дипломы белән бүләкләү булды.
Менә аларның исемлеге:
Хәсәнов Илнар Хөсәен улы - «Нармонка " ҖЧҖ комбайнчысы»;
Воронцов Михаил Денис улы - «Хәерби " ҖЧҖ комбайнчысы»;
Хәлиуллин Рамил Искәндәр улы - «Хәерби " ҖЧҖ комбайнчысы»;
Вафин рәис Ринат улы - «Хәерби " ҖЧҖ комбайнчысы»;
Әхмәтшин Айрат Наил улы - «Сәетов " КФХ комбайнчысы»;
Капитонов Алексей Николаевич - «Сәетов " КФХ комбайнчысы»;
Вәлиуллин Айнар Әнәс улы - «Сәетов»КФХ комбайнчысы.
Шулай ук ,«Көрәш» буенча республика ярышларында югары күрсәткечләр һәм Лаеш муниципаль районында физик культура һәм спортны үстерүгә өлеш керткәннәре өчен, көрәшчеләр Наил Зәйнуллин һәм Шамил Чевикка район Башкарма комитеты җитәкчесенең Рәхмәт хатлары тапшырылды.
Хисап чорының оператив хәле турында Россия Эчке эшләр министрлыгының Лаеш районы буенча бүлеге начальнигы урынбасары Айрат Галиев чыгыш ясады.
2019 елның 10 ае эчендә профилактик медицина тикшерүен уздыру һәм олы яшьтәге халыкның аерым төркемнәренә диспансеризация уздыруның барышы турында РҮХнең баш табибы Елена Коробова сөйләде.
Район Башкарма комитетының архитектура һәм шәһәр төзелеше бүлеге җитәкчесе Дамир Хисмәтов Егорьево авыл җирлегенең генераль планын тәкъдир итте.
Салымнар җыю буенча районның финанс-бюджет палатасы рәисе Елена Галиева чыгыш ясады.
ТР Лаеш районы матбугат хезмәте