Зөһрә Хөсәенова үзенең 90 яшьлек юбилеен билгеләп үтә
Бүген Пәрәү авылында яшәүче тыл хезмәтчәне, хезмәт ветераны Хөсәенова Зөһрә Хөсәен кызы үзенең 90 яшьлек юбилеен билгеләп үтә.
Бу истәлекле вакыйга белән аны Лаеш районы Советы Аппараты җитәкчесе Азат Нурмөхәммәтов һәм Пәрәү авыл җирлеге башкарма комитеты җитәкчесе вазыйфаларын башкаручы Равия Евдокимова котладылар.
Азат Нурмөхәммәтов юбилярга Россия Президенты Владимир Путиннан открытка, Лаеш районы җитәкчесе Илдус Зарипов исеменнән открытка, акчалата бүләк һәм бүләкләр тапшырды, Зөһрә Хөсәен кызына нык сәламәтлек, озын гомер, бәхет, иминлек, игелек һәм тыныч күк йөзе теләде.
Хөсәенова Зөһрә Хөсәен кызы 1929 елның 10 декабрендә Лаеш районының Пәрәү авылында гади крестьян гаиләсендә туа. Җиде сыйныф тәмамлый.
Кечкенәдән үк хезмәткә һәм авыр эшкә өйрәнгән, ул авыр, сугыш елларында да кырларда эшләгән, төрле эшләр башкарырга туры килгән: токта эшләгән, механизаторлар бригадиры булган. Лаеклы ялга чыкканчы ташчылар һәм төзүчеләр бригадасында эшләгән. Гомуми хезмәт стажы-40 елдан артык.
Зөһрә Хөсәеновнаның бер улы бар.
Өч оныгы һәм биш оныкчыгы өчен Зөһрә Хөсәен кызы яраткан һәм хөрмәтле әби.
Хезмәттәге казанышлары өчен ул юбилей медальләре белән бүләкләнде һәм «Хезмәт ветераны»исеменә лаек булды. Шулай ук Зөһрә Хөсәенова «СССРның Мактаулы доноры»исеменә дә ия.
ТР Лаеш районы матбугат хезмәте