Мөмкинлекләре чикләнгән балалар өчен «Мөмкинлекләре чикле – чиксез талантлар» I район фестивале

2019 елның 11 декабре, чәршәмбе

Бүген Лаешның сукырлар һәм күзләре начар күрүче балалар өчен интернат-мәктәбе базасында мөмкинлекләре чикле балалар өчен «Мөмкинлекләре чикле – чиксез талантлар»дигән I район фестивале узды. Балалар үзләренең иҗатларын күрсәттеләр: алар җырлыйлар, бииләр, чигәләр, кул эшләре белән шөгыльләнәләр, картиналар язалар, матур әйберләр ясыйлар. Фестивальдә катнашучыларны район башлыгы урынбасары Татьяна Борһанова һәм район Башкарма комитеты җитәкчесенең беренче урынбасары Андрей Карсалов сәламләде.