ТР буенча ЭЭМ Дәүләт автоинспекциясе һава шартларының начараюы турында кисәтә
Синоптикларның фаразларына караганда, 2019 елның 30 һәм 31 декабрендә Татарстан Республикасы территориясендә кар, буран, көчәйгәндә җилнең тизлеге 20 метрга кадәр, юлларда бозлавык.
Татарстан Республикасы буенча ЭЭМ Дәүләт автоинспекциясе машина йөртүчеләрне юлларда игътибарлы булырга чакыра. Машина йөртүчеләр катлаулы юл-метеорологик шартларда юл хәрәкәте куркынычсызлыгын тәэмин итүче тизлекне сайларга тиеш. Юл читенә чыгу белән бәйле куркыныч маневрлардан тыелып торырга кирәк. Куркынычсызлык каешларын эләктереп, куркынычсызлык каешларын эләктергән пассажирларны йөртү зарур. 12 яшькә кадәрге алгы утыргычта, 7 яшькә кадәрге арткы утыргычта балаларны үз авырлыгына һәм үсешенә туры килә торган балалар өчен махсус утыргычлар кулланып гына йөртү. Шулай ук Дәүләт автоинспекциясе балаларны җиңел автомобильдә һәм арткы утыргычта 12 яшькә кадәр ташыганда тоткарлый торган җайланма кулланырга киңәш итә. Арыган яки хәлсезләнгән очракта, кичекмәстән транспорт чарасын туктатырга кирәк.
Катлаулы һава шартлары җәяүлеләрдән дә саклык таләп итә. Җәяүлеләр бары тик җәяүлеләр юлы буенча һәм светофорның рөхсәт ителә торган сигналына гына йөрергә тиеш. Күчәр алдыннан, һичшиксез, тукталырга, барлык транспорт чараларының туктап калуына һәм үткәрергә әзер булуына инанырга кирәк. Юл аркылы чыкканда, бала белән, һичшиксез, аны кулга алырга. Яктырткычларны кайтаручы элементлар булган предметларны һәм кием-салымнарны куллануга аерым игътибар бирергә һәм бу предметларны транспорт чараларын йөртүчеләрнең күз күрүен тәэмин итәргә кирәк. Яктылык кайтаручы элементлар җәяүлеләрнең гомерен саклап кала ала.
Дәүләт автоинспекциясе юл хәрәкәтендә катнашучыларны һава торышының үзгәрүен исәпкә алырга, бик сак булырга, үзләре белән җылы әйберләр, туклану, җитәрлек ягулык запасы булдырырга чакыра. Юлда штаттан тыш хәлләр килеп чыккан очракта, ярдәм сорап Дәүләт автоинспекциясенә мөрәҗәгать итәргә кирәк.