Балалар йортында тәрбияләнүчеләр "КидСпейс" балалар һөнәрләр шәһәрчегендә булдылар

2020 елның 9 гыйнвары, пәнҗешәмбе

8 гыйнварда Лаеш балалар йорты балалары Казанның "КидСпейс" балалар һөнәрләр шәһәрчегендә булдылар. Остазларның сизгер җитәкчелеге астында һәр бала үзен төрле һөнәрләрдә сынап карый, уникаль тәҗрибә ала, тулы бер "олы тормыш"ны уза алган 20дән артык станция бар.

Балалар үзләрен коткаручылар һәм янгын сүндерүчеләр, табиблар һәм полиция хезмәткәрләре ролендә сынап карадылар, йортлар төзеделәр, хайваннарны карадылар, телетапшырулар алып баручылар булдылар һәм бик теләп башкаларны ясадылар.

Биредә аларны бик күп кызыклы белемнәр, көтелмәгән ачышлар, фәнни һәм танып-белү биремнәре көтте, алар беркемне дә битараф калдырмады. Әлеге һөнәрләр шәһәрчегенә сәфәр эшмәкәр Бадамшин Адель Марсель улы инициативасы белән, Казан шәһәренең 2 нче КАТП МУП җитәкчесе Мөхәммәтшин Альберт Әхәт улы ярдәмендә мөмкин булды. Шулай ук чараны оештыруда катнашкан Путин Алексей Евгеньевичка һәм Федераль салым хезмәтенең Татарстан Республикасы буенча 4нче районара инспекциясе хезмәткәрләренә дә зур рәхмәт. Кышкы каникулларның соңгы көне кызыклы һәм истә калырлык булды. Ә 9 гыйнварда ук балалар яңа көч белән мәктәпкә китте.