Федераль трассалар янында урнашкан Сокуры, Имәнкискә һәм башка авылларда яшәүчеләргә фонарьлар бирелә ала

2020 елның 19 гыйнвары, якшәмбе

Безнең районда да, тулаем Татарстандагы кебек, федераль һәм республика әһәмиятендәге җанлы трассалар уза торган авыллар бар. Аларда җәяүлеләр катнашында аварияләр ешрак тәртипкә китерелә. Бу, кагыйдә буларак, тәүлекнең караңгы вакытында була.

Республика хакимияте вәкилләре арасында фонарьлар сатып алу һәм аларны «куркыныч» торак пунктларда яшәүчеләргә тарату идеясе туды.

Бу фикер Хөкүмәт Йортында узган юл хәрәкәте иминлеге комиссиясе утырышында яңгырады. Бу мәсьәлә буенча ТР баш дәүләт автоинспекторы Ленар Габдрахманов үз фикерен белдерде. Ул тәүлекнең караңгы вакытында машина йөртүчеләргә юлны яктыртучы җәяүлене күрү җиңелрәк булачак, ә бу юл-транспорт һәлакәтләрендә зыян күрүчеләр санын киметергә ярдәм итәчәк, дип саный.