Татарстан Росреестры тарафыннан 2019 ел өчен кадастр инженерлары рейтингы төзелде
Татарстан территориясендә дәүләт кадастр исәбе турындагы гаризаларны карау нәтиҗәләре буенча Кадастр инженерлары рейтингы белән Росреестрның Татарстан Республикасы буенча Идарәсенең рәсми сайтында танышырга мөмкин rosreestr.tatarstan.ru «кадастр инженерын сайла» өстәмә битендә.
2019 ел нәтиҗәләре буенча шундый хәл килеп чыкты: 198 кадастр инженеры «яшел зонага», 172 - «ак» һәм 49 – кызыл зонага кертелгән.
Исегезгә төшерәбез, кадастр инженерлары рейтингы документлар әзерләү сыйфатына һәм күчемсез милек объектларын кадастр исәбенә кую вакытында кабул ителгән уңай һәм тискәре карарлар санына нигезләнгән. Шулай итеп, туктатулар һәм баш тартулар проценты 35 тән артык булса, кадастр инженеры «кызыл зонага»эләгә. Әгәр туктатулар һәм баш тартулар проценты 35тән кимрәк булса, 18 проценттан артыгы «Ак зона» га туры килә. 18 % тан да ким булмаган очракта - "яшел зонага".
Татарстан Республикасы буенча Росреестр идарәсе җитәкчесе урынбасары Артем Костин аңлатканча, әлеге рейтинг 2017 елдан бирле алып барыла һәм гариза бирүчеләргә кадастр инженерлары эшчәнлеге нәтиҗәләре турында хәбәр итүгә генә юнәлдерелә: «билгеле булганча, күчемсез милекне теркәгәндә кадастр инженеры катнашыннан башка булмый. Аның ни дәрәҗәдә профессиональ эшләвенә, нигездә, кадастр исәбенә кую турында уңай карар кабул ителүгә яки, киресенчә, туктатылуга яки хәтта баш тартуга бәйле. Икенче очракта гражданнар өчен бу вакытны гына түгел, акчаны да югалтуга китерә. Безнең рейтинг ярдәмендә гражданнар читтән торып белгечнең һөнәри эшчәнлеге нәтиҗәләре турында күзаллауны төзи һәм шул рәвешле кадастр инженерларының сыйфатсыз хезмәт күрсәтүләрен алу куркынычын киметә алалар".
Артем Костин хәбәр иткәнчә, Дәүләт кадастр исәбен алып баруда туктатып тору һәм баш тарту санын киметү максатыннан Татарстан Росреестры тарафыннан документлар әзерләгәндә рөхсәт ителгән хаталарны типлаштыру үткәрелә, шулай ук кадастр исәбендә туктатып тору һәм баш тарту сәбәпләрен анализлау үткәрелә. Кадастр инженерлары эшчәнлегенә гомумиләштерелгән анализ кадастр инженерларының үзкөйләнешле оешмасына җибәрелә. Шулай ук Казанда Авангардная ур., 74 (7 подъезд) буенча Кадастр инженерлары өчен консультацияләр өчен махсус тәрәзә ачылды; дәүләт кадастр исәбе һәм хокукларны дәүләт теркәвенә алу өлкәсендә норматив-хокукый актларны үзгәртү, шулай ук ызанлау планнарын, җир кишәрлекләрен кадастр планында урнаштыру схемаларын әзерләү мәсьәләләре буенча лекцияләр, семинарлар һ.б. даими рәвештә оештырыла.
Моннан тыш, хокукларны теркәү органы һәм конкрет кадастр инженеры арасында нәтиҗәле хезмәттәшлек җайга салынган. Бу, үз чиратында, кадастр эшләрен башкаручыны туктатып тору турында карар чыгарганчыга кадәр, документларны (техник һәм межалау планнарын, тикшерү акты, территориянең карта-планын) төзәтергә мөмкинлек бирә. Идарә әлеге кадастр инженерының нинди СРОда торуына карамастан, барлык кадастр инженерларына да хезмәттәшлек итү тәҗрибәсен куллана. Ведомство шулай итеп, кадастр инженерын сайлауны җиңеләйтергә һәм кадастр эшләренең сыйфатын күтәрүгә ярдәм итәргә исәп тота.
Игътибарга
Конкрет кадастр инженерының эш сыйфатыннан канәгать булмаган заказчылар «Идел буе кадастр инженерлары Ассоциациясе» СРОда +7 (843) 291-05-10 телефоны буенча үз фикерләрен белдерә алалар. Биредә һәрвакыт аралашуга ачык һәм килеп туган проблемаларны хәл итүдә ярдәм итәргә әзерләр.