Лаеш шәһәре Башкарма комитетының 2019 елда башкарылган эшенә йомгак ясадылар
Лаешта яшәүчеләр белән очрашу узды, анда 2019 елга йомгак ясадылар һәм агымдагы елга бурычлар билгеләделәр. Чара Лаеш районы җитәкчесе Илдус Зарипов, Татарстанда Бала хокуклары буенча вәкаләтле вәкил Гүзәл Удачина катнашында узды.
2019 елда 696 метр асфальт, 1800 метрдан артык вак таш җәю буенча юл эшләре башкарылды. Җыелган үзара салым һәм Татарстан Республикасы Хөкүмәте тарафыннан финанслауда Сосновая урамнарына вак таш җәелде. Производство урамы буенча күперне ремонтлау, Иске Пристань авылы - Пристанская урамы суүткәргечен каплау эшләре башкарылды.
«Безнең ишегалды» республика программасы буенча Декабристлар ур., 1а, 1б адресы буенча ишегалды төзекләндерелде.
Сабантуй, Державин укулары, «Кама диңгезе» җилкәнле регата, масленица кебек мәдәни-массакүләм, спорт чаралары үткәрелде. Казан шәһәре һәм республиканың башка районнарында яшәүчеләрнең иң яраткан урыннары-Кама диңгезе пляжы һәм Семрук мәйданчыгы булды.
2020 елга бурычлар: «Безнең ишегалды» программасында катнашу, урамнарны яктырту, скважиналар һәм су башняларын коймау һәм башкалар.