Советлар Союзы Герое Брис Кузнецов исемендәге Лаеш мәктәбе 35 еллыгын билгеләп үтә
Бүген Лаеш районы җитәкчесе Илдус Зарипов Лаешның 2 нче мәктәбенең 35 еллыгына багышланган тантанада катнашты. Мәктәпне юбилее белән котларга төрле елларда укыган һәм эшләгән чыгарылыш сыйныф укучылары, педагоглар килгән иде. “Бу мәктәп кенә түгел. Бу – Советлар Союзы Герое, якташыбыз Борис Кириллович Кузнецов исемен горур рәвештә йөртә торган мәктәп. Без чыгарылыш сыйныф укучылары белән горурланабыз. Конструкторлар, инженерлар, мәдәният, сәясәт эшлеклеләре, авыл хуҗалыгы хезмәткәрләре. Бу безнең чыгарылыш сыйныф укучылары үзләштергән тармакларның берничәсе генә, - диде сәламләү сүзендә Илдус Зарипов. - Күп кенә уңышлар нигезендә педагоглар хезмәте тора. Хөрмәтле укытучыларга югары һөнәри осталыклары һәм эшкә грамоталы якын килүләре өчен чын күңелдән рәхмәт белдерәм!”. Илдус Зарипов чыгарылыш сыйныф укучыларына, укучыларга, педагогларга, мәктәпнең бай тарихы һәм аның киләчәге белән бәйле барлык кешеләргә – яңа казанышлар, җиңүләр теләде.
Алдынгы хезмәткәрләргә Рәхмәт хатлары һәм Мактау грамоталары тапшырылды.