Дәүләт Думасы сайтында ана капиталы турындагы законга кертелгән үзгәрешләр бастырылды
Дәүләт Думасы ана капиталы программасын киңәйтүгә юнәлдерелгән төзәтмәләрне кабул итте.
Ана капиталы күләме арттырылачак. Әгәр беренче бала 2020 елның 1 гыйнварыннан туган яки уллыкка алынган булса - 466 617 сум, мондый гаиләдә икенче бала туганда ана капиталы 150 мең сумга артачак һәм гомуми суммасы 616 617 сум тәшкил итәчәк.
Әгәр икенче бала яки аннан соңгы балалар 2020 елдан башлап туган икән — 616 617 сум.
Икенче яки аннан соңгы балалар 2019 елның 31 декабренә кадәр туган булса - 466 617 сум.
Ана капиталы ел саен индексацияләнәчәк.
РПФ унбиш көн урынына биш эш көне эчендә сертификат бирү турында карар кабул итәчәк. Әгәр Пенсия фондына нинди дә булса мәгълүматны ачыкларга кирәк булса, бу срок 15 көнгә кадәр озайтылырга мөмкин (элек‑бер ай).
Ана капиталы белән эш итү турындагы гаризаны элеккеге кебек түгел, ә барлык кирәкле документлар белән гаризаны кабул иткән көннән соң ун эш көне дәвамында караячаклар. Өстәмә мәгълүмат яки документлар кирәк булса, Пенсия фонды 20 эш көне эчендә карар кабул итәчәк.
Пенсия фонды дәүләт мәгълүмат системаларыннан, шул исәптән дәүләт мәгълүмат системасыннан кирәкле барлык мәгълүматны үзе ачыклаячак.
Ана капиталы программасының гамәлдә булу вакыты биш елга, 2026 елның 31 декабренә кадәр озайтыла. Гражданнар өчен процессларны сыйфатлы итеп үзгәртү закон проекты кабул ителгәннән соң булачак һәм 2020 ел азагына кадәр тулысынча төгәлләнәчәк.
Дәүләт бүлеп биргән акчаларны бакча участогында торак йортны төзүгә яки реконструкцияләүгә тотарга мөмкин булачак. Моңа кадәр ана капиталы акчасына шәхси торак төзелеше өчен билгеләнгән җирдә генә йорт төзеп була иде.