Усадта вакытлыча су җыела торган чокыр казылды
Бүген Илдус Зарипов Усад авылында, "Айтишка" балалар бакчасы территориясендә киңәшмә җыйды. Алдагы көнне бакчага кар сулары җыелу сәбәпле, керү юк, дип хәбәр килде. Мәчет янында су тупланган, ул балалар бакчасына илтә торган юлда кала. "Айтишка" балалар бакчасы мөдире Гүзәл Гурьянова хәбәр иткәнчә, укырга керү белән бәйле бернинди кыенлыклар да юк. Чиста, коры, кирәк булса, параллель юл бар, ул да балалар бакчасына алып бара. "Балалар бакчасы территориясендә һәм подвалда безнең коры", - дип билгеләп үтте ул.
Су басуга берьюлы берничә фактор сәбәп булды, беренчедән, бистә түбәнлектә, икенчедән, иртә җылыну сәбәпле, кар эреп китте, ә җир җылынып өлгермәде. Шуңа күрә кар сулары туфракка китә алмый. Әлеге урынга ашыгыч рәвештә авария хезмәте чыкты. Су үткәрү торбалары чистартылды, чокыр казылды, анда вакытлыча су җыелачак. Җәй көне бу участокта мондый очракларга юл куймас өчен эшләр башкарылачак.
Лаеш районы матбугат хезмәте