Профсоюз әгъзалары катнашында хисап-сайлау конференциясе узды
Бүген Лаеш муниципаль районы башлыгы урынбасары Татьяна Борһанова Россия дәүләт учреждениеләре һәм иҗтимагый хезмәт күрсәтү хезмәткәрләре территориаль профсоюз оешмасының хисап-сайлау Конференциясен үткәрде. Лаеш районында профсоюз исәбендә 13 башлангыч профсоюз оешмасы тора һәм профсоюзның 309 әгъзасы бар, аларның 215е – хатын – кызлар, 35 яшькә кадәрге яшьләр-55 кеше. Территориаль профсоюз оешмасы эшчәнлеге устав эшчәнлеген башкаруга һәм профсоюз әгъзаларының социаль-хезмәт хокукларын һәм законлы мәнфәгатьләрен яклау буенча профсоюз эшчәнлеге программасын үтәүгә юнәлдерелгән.
Лаеш муниципаль районында РФ Дәүләт учреждениеләре һәм иҗтимагый хезмәт күрсәтү хезмәткәрләренең территориаль профсоюз оешмасы эше узган 5 ел эчендә канәгатьләнерлек дип танылды.
Конференциядә тавыш бирү юлы белән РФ Дәүләт учреждениеләре һәм иҗтимагый хезмәт күрсәтү хезмәткәрләре Гомумроссия һөнәр берлегенең Татарстан республика оешмасының XXXI хисап-сайлау конференциясенә делегат – Лаеш муниципаль районы Советы Аппараты җитәкчесе Азат Нурмөхәммәтовны сайладылар, ул шулай ук республика профсоюз комитеты әгъзасы булачак.