Федераль экспертлар Татарстанда коронавируска каршы көрәш чараларын югары бәяләделәр
Сәяси һәм икътисади коммуникацияләр агентлыгының федераль белгечләре коронавирус белән көрәш буенча Татарстан тәҗрибәсен югары бәяләделәр. Республика Россия буенча рейтингта икенче урынны алды, Мәскәүдән генә калышып.
Аерым алганда, экспертлар үз-үзеңне изоляцияләү чорында өйдән чыгу өчен СМС-пропусклар бирү системасының нәтиҗәле эшләвендә төбәкнең тәҗрибәсен билгеләп үттеләр. Моннан тыш, мәктәп укучыларына ярдәм итү чараларын эшләтеп җибәрү дә бүлеп бирелде.
Шулай ук белгечләр республика хакимиятенең 100 квадрат метрдан артык мәйданлы сәүдә үзәкләре, кибетләр эшен туктатып тору буенча карарларының нәтиҗәлелеген ассызыкладылар. Татарстан шулай ук Президент Рөстәм Миңнехановның күп балалы гаиләләрдәге чыгарылыш сыйныф укучыларын дистанцион укыту өчен планшетлар белән тәэмин итү буенча инициативасына да бәя бирде.
Федераль экспертлар нотыгында билгеләп үтелгән чаралардан тыш, Татарстанда төбәк мәшгульлек үзәкләре коронавирус пандемиясе чорында эшне югалткан гражданнарга пособиеләр түләүне тизләтүне йөкләде. Иң мөһиме-субсидияләрне өйдән чыкмыйча өч көн эчендә алырга мөмкин.
Моннан тыш, Татарстан Президенты йөкләмәсе буенча, 68 мең үзмәшгуль граждан гомуми изоляция шартларында һөнәри эшчәнлекне гамәлгә ашыру өчен өйләреннән чыгу мөмкинлеге алачак.