Татарстан урманчылары "Хәтер бакчасы" акциясе барышында 480 меңнән артык агач утыртачак

Татарстан 25 апрельдә Бөек Ватан сугышында җиңүнең 75 еллыгына багышланган «Хәтер бакчасы» халыкара акциясенә кушылачак. Республика буенча 381,9 мең ТАССРда яшәүче, сугыштан кайтмаган 381,9 мең кешенең батырлыгы истәлегенә 483,7 мең үсенте утыртылачак, дип хәбәр итә ТР Урман хуҗалыгы министрлыгының Матбугат хезмәте.

«Татарстан Республикасында урнашкан санитар-эпидемиологик хәлне һәм үз-үзеңне изоляцияләү режимын исәпкә алып, агач утырту бары тик ТР Урман хуҗалыгы министрлыгы карамагындагы учреждениеләр хезмәткәрләре көче белән генә оештырылачак», – дип билгеләп үтәләр ведомствода.

Яңа типтагы Covid-19 коронавирус таралмасын өчен акциядә катнашучылар битлекләр һәм бер тапкыр кулланыла торган перчаткалар кулланачаклар. Агачларны алар бер-берсеннән Ике яки өч кешедән дә ким булмаган төркемнәр белән утыртачаклар.

«Хәтер бакчасы» халыкара акциясе 18 мартта старт алды һәм 2020 елның 22 июненә кадәр дәвам итәчәк. Аның оештыручылары - «Җиңү волонтерлары» Бөтенроссия иҗтимагый хәрәкәте һәм Җиңү полководецларын искә алу Фонды, РФ табигый байлыклар һәм экология министрлыгы һәм урман хуҗалыгы федераль агентлыгы ярдәме белән.

Акция кысаларында Россия һәм БДБ илләре территориясендә Бөек Ватан сугышы елларында һәлак булган 27 млн агач утырту күздә тотыла. 17 апрельгә анда 7,4 мең кеше катнашты, алар инде 5,4 млн үсенте утырттылар.