Татарстан волонтерлары эшен федераль дәрәҗәдә билгеләделәр

«Бердәм Россия «яңа коронавирус инфекциясенә каршы көрәштә алдынгы» медикларга азык-төлек җыелмалары белән тәэмин итәргә тәкъдим итте. Бу хакта бүген видеоконференция режимында узган Бөтенроссия селектор киңәшмәсендә хәбәр ителде, дип хәбәр итә ТР Дәүләт Советы матбугат хезмәте.

"Пандемиягә каршы бер ай эчендә волонтерлар дистәләгән мең россияле ярдәм итте, 288 меңнән артык кеше адреслы ярдәм алды. "Бердәмроссиялеләр" коронавирус эпидемиясе аркасында авыр хәлдә калган кешеләргә өстәмә ярдәм оештыру өчен булган резервларны табу өчен партия эчендәге финанслауны яңадан карады", - диелә хәбәрдә.

Партия Россиянең барлык төбәкләрендә дә, Татарстанны да кертеп, мохтаҗ кешеләргә ярдәм итү өчен волонтерлык үзәкләре ачты. Ирекле ярдәмчеләр азык-төлек җыелмалары һәм дарулар, шулай ук мәктәп укучыларын дистанцион укыту өчен техниканы тапшыралар. «Республика волонтерлык үзәкләренең эше федераль дәрәҗәдә билгеләнде",-дип билгеләп үттеләр матбугат хезмәтендә.

Моннан тыш, киңәшмәдә республикада булачак сайлау кампаниясенә әзерлек мәсьәләсе дә каралды. ТР Дәүләт Советы Рәисе Фәрит Мөхәммәтшин, сайлауларны үткәрү вакыты турында сөйләгәндә, «эш Үзәк сайлау комиссиясе билгеләгән режимда алып барыла», - дип ассызыклады.