Путин Татарстан башлыгы белән очрашты
2020 елда милли проектларга 26,4 млрд. сум үзләштерү планлаштырыла, май башына 20% үтәлгән. Алар кысаларында 50 республика программасы гамәлгә ашырыла. Бу хакта Татарстан Республикасы Президенты Рөстәм Миңнеханов Россия Президенты Владимир Путинга хәбәр итте.
"Безнең эшнең өстенлекле юнәлеше-милли проектларны гамәлгә ашыру", - дип хәбәр итте Рөстәм Миңнеханов һәм моңа күп көч куярга вәгъдә итте.
Элегрәк ТР башлыгы илкүләм проектларны беркем дә бетермәде, дип белдерде.
"Россия Президенты билгеләгән илкүләм проектлар өлешендә безнең барлык йөкләмәләрне дә үтәргә кирәк. Әмма кайбер параметрлар икътисади кимүгә кадәр үк салынган иде. Шуңа күрә без нинди катлаулы хәлдә булуыбыз турында фикер алышырга түгел, ә федераль коллегалар белән бу килешүләргә төзәтмәләр кертергә кирәк. Беркем дә илкүләм проектларны юкка чыгармады, һәм без аларны гамәлгә ашыру өчен җаваплы " - диде ул
Лаеш районы матбугат хезмәте.