Татарстанның үзмәшгульләренә 139 млн сум салым кайтарганнар
Федераль салым хезмәте мәгълүматлары буенча, Татарстан Республикасында 2019 елда үзмәшгуль гражданнарга 138,9 млн.сум күләмендә субсидия түләнгән. 2019 ел нәтиҗәләре буенча республикада 57 602 үзмәшгульлек очрагы теркәлгән. Һөнәри керемгә салым буенча үзмәшгульләр тарафыннан 114 млн сум түләнгән, агымдагы елда шулай ук 2019 ел өчен салымнарның бер өлеше дә түләнгән. «РФ Хөкүмәтенең 29.05.2020 1431-р номерлы күрсәтмәсе нигезендә Россия Федераль салым хезмәте идарәсенә 1,6 млрд. сум бүлеп бирелгән. үзмәшгуль гражданнарга, шул исәптән шәхси эшмәкәр-үзмәшгуль гражданнарга, 2019 ел өчен һөнәри керемгә түләнгән салымны каплауга субсидияләр бирелгән. Хәзерге вакытта Федераль салым хезмәте мәгълүматлары буенча, республикада үзмәшгуль гражданнарга 138,9 млн.сумнан артык субсидия түләнгән», — дип хәбәр итә Федераль салым хезмәте. Субсидияне күчерү һәр айның 20 нче числосыннан да соңга калмыйча автомат рәвештә башкарыла