Татарстанда 27–28 июльгә шторм кисәтүе игълан ителде
Гидрометцентр мәгълүматлары буенча, 27 июльнең кичә, шулай ук 28 июльнең төнге һәм көндезге сәгатьләрендә Татарстан Республикасы территориясендә һәм Казан шәһәрендә уңайсыз һава торышы көтелә. Лаеш районы халкын игътибарлы булырга һәм саклык чараларын үтәргә чакыралар.
Якындагы сәгатьләрдә кайбер урыннарда түбәндәгеләр фаразлана:
— давыллы җилнең 18–23 м/с кадәр көчәюе белән яшен;
— урыны белән боз яву.
Уңайсыз һава торышында иминлек турында истә тоту мөһим:
— реклама калканнары, юл билгеләре, агачлар һәм электр тапшыру линияләре астына яшенмәгез — бу тормышка куркыныч;
— урамнарда һәм юлларда хәрәкәт иткәндә, бигрәк тә начар күренеш шартларында сак булыгыз;
— мөмкин булган очракта биналарда калыгыз;
— балаларны күзәтегез, аларны игътибарсыз калдырмагыз;
— өлкән яшьтәге һәм авыру кешеләргә ярдәм күрсәтегез.
Гадәттән тыш хәл булган очракта 112 номерына шалтыратыгыз.